Yaponiyanın Nikkei 225 indeksi tarixdə ilk dəfə olaraq 45 min bənd həddini keçib. Artım Amerikanın texnologiya səhmlərindəki rallidən sonra yarımkeçirici şirkətlərin səhmlərinin bahalaşması ilə bağlı olub.
İndeks səhər ticarəti zamanı 45 055.38 bəndə qalxıb ki, bu da cümə günü bağlanış göstəricisindən 287.26 bənd və ya 0.6% çoxdur. Sonradan investorların mənfəəti fiksasiya etməsi səbəbilə indeks artımını bir qədər itirib. Yaponiyanın fond bazarı bazar ertəsi dövlət bayramı ilə əlaqədar bağlı olub.
Artımın lideri yarımkeçirici avadanlıq istehsalçısı Tokyo Electron olub – şirkətin səhmləri 3% bahalaşıb. Çip sınaq avadanlıqları istehsalçısı Advantest və texnologiya nəhəngi SoftBank səhmləri də 2% artıb, lakin daha sonra qiymətlərdə korrektə baş verib.
