“Əli və Nino” Kitab Evinin rəhbəri Nigar Köçərli sosial şəbəkədəki paylaşımında Səhiyyə Nazirliyinin Respublika Sanitariya-Karantin Mərkəzini kəskin tənqid edib.
XəzərNews.az xəbər verir ki, bu barədə sosial şəbəkə hesabında açıqlama yayan N. Köçərli bildirib ki, mərkəz sahibkarların fəaliyyətinə süni maneələr yaradır, kitab idxalı zamanı əsassız ödənişlər tələb edir. Köçərli misal olaraq, İngiltərədən sifariş etdiyi, dəyəri 1000 manat olan kitablar üçün 1900 manatlıq “sertifikat” haqqı tutulduğunu bildirib. Bundan əlavə, 500 manatlıq bahalı kitablar isə “ekspertiza” adı ilə müsadirə edilib və geri qaytarılmır.
“Müştəri öz kitabını tələb edir, amma mən ona nə deyim? Kitab əvəzinə heç kəsə lazım olmayan sertifikat təqdim etməliyəm?”, – deyə o narazılığını ifadə edib.
Kitab evinin rəhbəri son ay ərzində yalnız bu səbəbdən 2600 manat zərərə düşdüyünü, gömrükdə süni yubanmalara və əlavə saxlama xərclərinə məruz qaldığını vurğulayıb. Onun sözlərinə görə, təkcə “sertifikat” üçün 3100 manat ödəyib, bir çox kitab isə müsadirə olunub.
Nigar Köçərli həmçinin mərkəzin rəhbəri Aris Rüstəmov və digər məsul şəxslərlə görüşdüyünü, kitabların geri qaytarılacağına dair vəd aldığını, lakin daha sonra yenidən get-gələ salındığını açıqlayıb. Hazırda isə yeni gətirilən sifariş üçün əlavə 300 manat və daha bir bahalı kitabın “müsadirəsi” tələb olunur.
O, məsələni ictimailəşdirmək məcburiyyətində qaldığını bildirərək, kitablarının geri qaytarılmasını tələb edib.
Xəbər 5 dəfə oxunub.
XəzərNews.az xəbər verir ki, bu barədə sosial şəbəkə hesabında açıqlama yayan N. Köçərli bildirib ki, mərkəz sahibkarların fəaliyyətinə süni maneələr yaradır, kitab idxalı zamanı əsassız ödənişlər tələb edir. Köçərli misal olaraq, İngiltərədən sifariş etdiyi, dəyəri 1000 manat olan kitablar üçün 1900 manatlıq “sertifikat” haqqı tutulduğunu bildirib. Bundan əlavə, 500 manatlıq bahalı kitablar isə “ekspertiza” adı ilə müsadirə edilib və geri qaytarılmır.
“Müştəri öz kitabını tələb edir, amma mən ona nə deyim? Kitab əvəzinə heç kəsə lazım olmayan sertifikat təqdim etməliyəm?”, – deyə o narazılığını ifadə edib.
Kitab evinin rəhbəri son ay ərzində yalnız bu səbəbdən 2600 manat zərərə düşdüyünü, gömrükdə süni yubanmalara və əlavə saxlama xərclərinə məruz qaldığını vurğulayıb. Onun sözlərinə görə, təkcə “sertifikat” üçün 3100 manat ödəyib, bir çox kitab isə müsadirə olunub.
Nigar Köçərli həmçinin mərkəzin rəhbəri Aris Rüstəmov və digər məsul şəxslərlə görüşdüyünü, kitabların geri qaytarılacağına dair vəd aldığını, lakin daha sonra yenidən get-gələ salındığını açıqlayıb. Hazırda isə yeni gətirilən sifariş üçün əlavə 300 manat və daha bir bahalı kitabın “müsadirəsi” tələb olunur.
O, məsələni ictimailəşdirmək məcburiyyətində qaldığını bildirərək, kitablarının geri qaytarılmasını tələb edib.
Xəbər 5 dəfə oxunub.
