Finss.az xəbər verir ki, Çin Xarici İşlər Nazirliyinin sözçüsü Lin Jian bildirib ki, Vaşinqtonun NATO və G7 ölkələrinə Çin mallarına tariflər tətbiq etmək çağırışları beynəlxalq ticarət qaydalarını pozur və Ukrayna problemini həll etməyəcək. Bu barədə “Global Times” məlumat yayıb.
Lin Jian ABŞ-ın NATO və G7 ölkələrini Rusiya neftinin alınmasına görə Çinə tariflər tətbiq etməyə çağırması barədə xəbərləri şərh edərkən, "ABŞ-ın bu addımı beynəlxalq ticarət qaydalarını ciddi şəkildə pozan, qlobal sənaye və təchizat zəncirlərinin təhlükəsizliyini və sabitliyini təhdid edən tipik birtərəfli zorakılıq və iqtisadi məcburiyyət aktıdır" dedi.
