Ermənilər Zəngəzur və Göyçə bölgəsini tədricən tərk edir.
Turkustan.az Publika.az-a istinadla xəbər verir ki, Ermənistan mediası bu bölgələrdəki vəziyyəti öyrənməyə çalışıb.
Göyçənin Sotk ərazisinin rəhbəri Sevak Xaçatryan bölgədə işsizlik probleminin olduğunu dilə gətirib.
Tavuş rayonunun Movses kəndinin inzibati rəhbəri Aşot Poladyan da işsizlikdən əziyyət çəkdiklərini deyib. Bildirib ki, kəndi tərk edənlər azdır, lakin işləmək üçün tez-tez xaricə üz tutanlar da var: “Təkcə kənddə yox, ümumilikdə bölgədə işsizlik problemi ciddidir”.
Zəngəzurun Xnatsax (Xanazax) qəsəbəsinin inzibati rəhbəri Seyran Mirzoyan isə insanların ərazini tərk etdiyini bildirib. O, kəndin boşalması haqda deyilənlərin doğru olmadığını deyib, lakin əlavə edib ki, zaman-zaman gedənlər olur.
Onun sözlərinə görə, hazırda qəsəbədə 130 ev var, halbuki, bir neçə il öncəyə qədər bu say 145 idi: “Sonuncu dəfə 3 ay əvvəl gedənlər olub. Gedənlərin də əsas səbəbi işsizlikdir”.
