İspaniyanın paytaxtı Madrid küçələrində gələcəyin nəqliyyatı təqdim olunub – şəhərdə ilk dəfə sürücüsüz elektrik avtobusu sınaqdan keçirilib.
Tribunainfo.az tecnalia.com-a istinadən xəbər verir ki,bu minibus EMT Madrid, Indra, Irizar e-Mobility və TECNALIA şirkətlərinin birgə layihəsi nəticəsində hazırlanıb. Avtobus xüsusi sensorlar, kameralar və süni intellekt sistemi ilə təchiz olunub. Onun əsas üstünlüyü piyadaları, digər maşınları və yoldakı maneələri tanımaq qabiliyyətidir.
Sınaq mərhələsində avtobus yavaş sürətlə hərəkət edib və səkkiz sərnişin daşıyıb. Məqsəd gələcəkdə belə nəqliyyat vasitələrini ictimai nəqliyyata və şəhər mobillik xidmətlərinə tam inteqrasiya etməkdir.
Layihə Avropa İttifaqının SHOW proqramının bir hissəsidir. TECNALIA bildirib ki, bu təşəbbüs dayanıqlı və ekoloji nəqliyyatın inkişafı üçün mühüm addımdır.
İmran Kərimli
