Bəzi uşaqlar həyəcan hissi ilə məktəbi gözləsə də, digərləri anadan və ya əsas dayədən ayrılma narahatlığı yaşayır. Xüsusən məktəbə ilk dəfə başlayan uşaqlarda bu hal daha çox müşahidə olunur.
Pravda.az bildirir ki, məktəbə yeni başlayan uşaqların ilk günlərdə yaşadığı ayrılıq narahatlığı müəyyən qədər normal sayılır. Lakin yaz tətilindən sonra ara sinif şagirdlərində də bu narahatlıq yenidən görünə bilər.
Uşaqlar yeni mühitə uyğunlaşmaqda çətinlik çəkə, analarının məktəbin ilk günlərində yanında olmasını istəyə bilərlər. Adətən günlər keçdikcə bu hisslər azalır və normal səviyyəyə düşür.
Valideynlərin yay tətilində uşaqları psixoloji olaraq məktəbə hazırlaması — məktəbi əvvəlcədən ziyarət etmək, müəllimlə tanış olmaq, məktəb əşyaları almaq və öz müsbət xatirələrini paylaşmaq — adaptasiyanı asanlaşdırır.
Lakin bəzi uşaqlarda bu narahatlıq uzun sürə bilər. Səhərlər məktəbə getməmək üçün ağlama, qarın ağrısı, ürəkbulanma, qusma kimi şikayətlər, eləcə də evdə və yaxın qohumlarda belə anadan ayrı qala bilməmək müşahidə olunur. Bu hallarda isə “ayrılıq narahatlığı pozuntusu” diaqnozu qoyula bilər və uşağın uşaq psixiatriya mütəxəssisi tərəfindən izlənməsi tövsiyə edilir.
Əminə Bayramova
