“Mançester Yunayted”in yarımmüdafiəçisi Bruno Fernandes “Mançester Siti”yə 0:3 hesabı ilə uduzduqdan sonra fikirlərini bölüşüb.
90deqiqe.Az xəbər verir ki, "Sky Sports" futbolçunun fikirlərini belə çatdırıb:
“Müsbət tərəfləri tapmaq çətin deyil. Bəzi şeyləri yaxşı etdik, amma yetərli olmadı. Qalib gəlmək istəyirik, amma bu gün etdiklərimiz nəticə üçün kifayət etmədi. Bu oyundan götürəcəyimiz dərs budur. Daha yaxşı oynamalıyıq və gələcəyə baxmalıyıq. Qol vurmalıyıq, buraxmamalıyıq. Fürsətlər yaradırıq, amma istədiyimiz qədər qol vura bilmirik. Daha yaxşı situasiya idarəsi lazımdır. Buraxdığımız üç qol qarşısı alınabiləcək idi. Nəticə bizim üçün çox pisdir, amma oyuna fərqli baxmaq olar. Fürsətləri düzgün istifadə edə bilərdik. “Siti” ilə eyni məqsədimiz vardı – 3 xal qazanmaq. Onlar isə qolları çox ağıllı istifadə etdilər. Çox yaxşı oyunçuları var.”
Hazırda “Mançester Yunayted” turnir cədvəlində 14-cü pillədə qərarlaşıb.
