Büdcənin azaldılması və qrantların ləğvi milyonlarla həyatı xilas edən sistemi təhlükə altına alır...
Poliqon xəbər verir ki, Donald Trampın administrasiyası milyonlarla insanın həyatını xilas etməyə kömək edən və hazırda ən məhsuldar dövrlərindən birini yaşayan xərçəng tədqiqatları sistemini dağıdır. The New York Times qəzetinin yazdığına görə, xərçəng tədqiqatları üçün ayrılan vəsaitlərin kəskin şəkildə azaldılması indiki və gələcək inkişafa təhlükə yaradır.
Amerikanın xərçəng tədqiqatlarına davamlı sərmayə qoymasının faydaları heyrətamiz statistika ilə təsdiqlənir: 1970-ci illərin ortalarında xərçəng xəstələrinin beş illik sağ qalma nisbəti 49% olduğu halda, bu gün 68%-ə çatıb. Xərçəng tədqiqatlarına qoyulan hər 326 dollar insan ömrünü bir il uzadır.
Hazırda xərçəng əleyhinə vaksinlərin işlənib hazırlanması və saniyənin onda biri qədər davam edən və xəstəyə daha az ziyan vuran impuls şüa terapiyası kimi inqilabi layihələr həyata keçirilir.
Lakin Tramp administrasiyası büdcəni kəsmək, yüz milyonlarla dollarlıq tədqiqat qrantlarını və müqavilələrini əsasən siyasi səbəblərdən ləğv etməklə tədqiqat sistemini fəal şəkildə dağıdır.
Buna misal olaraq Massaçusets Universitetində Rəşel Sirianinin rəhbərliyi altında fəaliyyət göstərən laboratoriyanı göstərmək olar. Laboratoriya medulloblastoma adlanan uşaqlarda beyin xərçənginin aqressiv forması üçün yeni müalicə üsulu üzərində işləyir və əhəmiyyətli uğurlar əldə edib. Lakin bu işin davam etdirilməsi üçün nəzərdə tutulan iki qrant Tramp administrasiyası tərəfindən ləğv edilib.
Poliqon.info
