ain.az, Qaynarinfo portalından verilən məlumatlara əsaslanaraq xəbər verir.
Bu ilin qışında rekord uzunluqda sərnişin reysi işə salınacaq.
Qaynarinfo "Express"ə istinadən xəbər verir ki, marşrutun uzunluğu 19 634 kilometr təşkil edir və uçuşun ümumi müddəti 29 saat olacaq.
"China Eastern Airlines" şirkəti dekabrın 4-dən etibarən Şanxay–Buenos-Ayres istiqamətində aviareyslər həyata keçirəcək. Marşrut Oklend (Yeni Zelandiya) şəhərində iki saatlıq dayanacaqla nəzərdə tutulur. Beləliklə, Şanxaydan Argentinaya uçuş 25 saat 55 dəqiqə davam edəcək, əks istiqamətdə isə ümumi müddət 29 saata çatacaq.
Bununla belə, reys "birbaşa" hesab olunur, çünki sərnişinlər Oklenddə təyyarəni dəyişməyəcəklər.
Bilet qiymətləri təxminən 1280–1400 funt-sterlinq arasında dəyişir. Uçuşlar həftədə iki dəfə – bazar ertəsi və cümə axşamı Çindən, çərşənbə axşamı və cümə günləri isə Argentinadan həyata keçiriləcək.
Yeni marşrut bundan əvvəlki ən uzun fasiləsiz uçuş rekordunu – Pekin–San-Paulu reysini geridə qoyacaq. Uçuşların "Boeing 777-300ER" tipli uzaqməsafəli təyyarələrlə icra ediləcəyi gözlənilir.
Ekspertlər qeyd edirlər ki, bu reys yalnız kommersiya məqsədi daşımır, həm də Çinlə Cənubi Amerika arasında diplomatik və iqtisadi əlaqələri gücləndirə bilər. Bundan başqa, yeni marşrut Avropa və ABŞ-ı kənarda qoyaraq regionlar arasında alternativ hava dəhlizi təklif edir və sərnişinlər üçün daha az dayanacaq imkanı yaradır.
Aydın
Hadisənin gedişatını izləmək üçün ain.az saytında ən son yeniliklərə baxın.
