ABŞ ilə Ermənistan "Tramp yolu"nu müzakirə ediblər

Hurriyyet.az xəbər verir ki, ABŞ ilə Ermənistan rəsmiləri "Tramp yolu"nu müzakirə ediblər.

Erməni mətbuatının yazdığına görə, ABŞ Dövlət Departamentinin Avropa və Avrasiya Bürosunun yüksək vəzifəli əməkdaşı Brenden Hanrahan ilə Ermənistanın iqtisadiyyat naziri Gevorq Papoyan Zəngəzur dəhlizinin Ermənistan ərazisindən keçən 43 kilometrlik "Tramp yolu" (TRİPP) layihəsini müzakirə ediblər.

Papoyan Ermənistanın layihədə maraqlı olduğunu qeyd edib. Özəl sərmayələr cəlb edilməsini və layihənin reallaşdırılması üçün yol xəritəsinin hazırlanması təşəbbüslərini irəli sürməyi təklif edib. Erməni nazir sərhədlərinin təhlükəsizliyinin təminatında və infrastrukturunun modernləşdirilməsində ABŞ dəstəyinin əhəmiyyətini qeyd edib. 

Tərəfdaşları ABŞ-Ermənistan iqtisadi əməkdaşlığının, o cümlədən, ticarət, investisiya, kənd təsərrüfatı, energetika, yüksək texnologiyalar, rəqəmsal iqtisadiyyat və turizm sahələrində əlaqələrin genişlənməsini müzakirə ediblər.

Hürr Tərcüman

• ErmÉ™nistan
• ZÉ™ngÉ™zur DÉ™hliz
• Gevorq Papoyan
• Tramp Yolu