Hamiləlik dövründə qadınların dəyişən bədən ölçüləri və artan çəkiləri geyim seçimlərinə də təsir edir. Mütəxəssislər bu mərhələdə rahatlıq və şıklığı birləşdirən geyimlərin seçilməsini məsləhət görürlər.
Xüsusilə pambıq parçadan hazırlanmış hamiləlik donları gündəlik istifadədə rahatlığı təmin edir. Şalvardan imtina edə bilməyənlər üçün xüsusi dizaynlı hamilə şalvarları qarın bölgəsini sıxmadan rahat geyim imkanı yaradır.
İdman geyimlərini sevənlər isə hamilə tulumları ilə həm gündəlik, həm də xüsusi günlərdə şıklığı təmin edə bilərlər. Yumşaq parçalardan hazırlanan tulumlar, rahat hərəkət etməyə şərait yaradır.
Hərəkət azadlığı üçün ən çox seçilənlərdən biri də hamilə lasinləridir. Onlar tişört və ya sweatshirtlərlə kombin edilərək gün boyu rahat istifadə imkanı verir.
Mütəxəssislər vurğulayır ki, hamiləlik dövründə geyim seçərkən ana və körpənin rahatlığı əsas meyar olmalıdır.
Əminə Bayramova
