ain.az, Moderator.az portalına istinadən məlumat verir.
Rusiyaya məxsus 19 PUA-nın “təsadüfən” Polşa hava məkanına daxil olması əslində Kremlin NATO-nun bu cür həmlələrə cavab reaksiyasını yoxlamaq üçün test ola bilər.
Moderator.az xəbər verir ki, bu barədə ABŞ hərbi nəşri məlumat yayıb. Məlumatda qeyd olunur ki, Rusiya bununla NATO-nun dron əleyhinə sistemlərini, eləcə də hava hücumundan müdafiə vasitələrinin işləkliyini və effektivliyini yoxlaya bilər ki, bu da Moskva üçün vacibdir. Çünki Rusiya-NATO qarşıdurmasının baş vermə ehtimalı bu gün hər zamankından daha real görünür. Buna görə də Rusiyanın bu yolla NATO-nun sayıqlığını yoxlaması tamamilə mümkündür.
Xatırladaq ki, Londondakı Kral Birləşmiş Xidmətlər İnstitutunun elektron müharibə üzrə eksperti Tomas Vaşinqton da bu ehtimalın yüksək olduğunu vurğulayıb. Onun fikrincə, Rusiya PUA-larının Polşa hava məkanını pozmaqda məqsəd NATO-nun reaksiyasını və pilotsuz təyyarələrə cavab vermək qabiliyyətini yoxlamaq ola bilərdi.
S.Əliyev
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
