UEFA Çempionlar Liqası, Avropanın ən prestijli klub turniri olaraq futbolsevərlərin diqqət mərkəzindədir. Hər il keçirilən final matçı həm klublar, həm də azarkeşlər üçün böyük əhəmiyyət daşıyır.
Final matçlarının keçiriləcəyi stadionlar turnirin tarixi boyunca diqqətlə seçilir və bu arenalar böyük futbol hadisələrinə ev sahibliyi edir.
BAKU.WS xəbər verir ki, UEFA Çempionlar Liqasının 2026/2027 mövsümünün final matçı İspaniyanın paytaxtı Madriddə, "Atletiko" klubunun ev stadionu olan Metropolitanoda keçiriləcək.
Bu qərar UEFA İcraiyyə Komitəsinin Tiranada keçirilən iclasında qəbul olunub. Eyni iclasda 2026-cı ildə UEFA Superkubokunun Avstriyanın Zalsburq şəhərində oynanılacağı da təsdiqlənib.
2025–2026 mövsümünün final matçı isə Lissabondo "Estadio da Luz" stadionunda baş tutacaq. Hər iki şəhər və stadion, böyük final matçlarını qəbul etmək üçün yüksək səviyyəli infrastruktur və azarkeşlər üçün təhlükəsiz mühit təmin edir.
on 10 ilin Çempionlar Liqası final matçları isə müxtəlif Avropa stadionlarında keçirilib və hər biri öz unikallığı ilə seçilib. Bu stadionlar futbol tarixində yalnız matçlara ev sahibliyi etməklə kifayətlənmir, həm də böyük azarkeş kütləsini qəbul etmək, müasir infrastruktur və təhlükəsizlik standartlarını təmin etmək baxımından diqqət çəkir.
Son 10 final matçının keçirildiyi stadionlar:
2024–2025 – "Alians Arena", Münhen
2023–2024 – "Wembley" Stadionu, London
2022–2023 – Atatürk Olimpiya Stadionu, İstanbul
2021–2022 – "Stade de France", Paris
2020–2021 – "Estadio do Dragao", Porto
2019–2020 – "Estadio da Luz", Lissabon
2018–2019 – "Metropolitano Stadionu", Madrid
2017–2018 – "NSC Olimpiyskiy", Kiyev
2016–2017 – "Millennium Stadionu", Kardiff
2015–2016 – "San Siro", Milan
Bu stadionlar yalnız final matçları üçün seçilməyib, həm də futbolun tarixi anlarına şahidlik edib. Onların hər biri özündə böyük turnirlər üçün zəruri infrastruktur, azarkeşlər üçün təhlükəsiz mühit və futbolun ən yüksək səviyyədə göstərilməsi imkanını birləşdirir.
