Qırmızı bibər təkcə ləzzəti ilə deyil, həm də sağlamlıq üçün olan faydaları ilə diqqət çəkir. Vitamin və minerallarla zəngin olan bu tərəvəz, həm çiy, həm də bişmiş halda istifadə edilə bilər.
Pravda.az bildirir ki, qırmızı bibər xüsusilə A və C vitaminləri, likopen, və antioksidantlarla zəngin olması səbəbindən bir çox xəstəliyin qarşısını almaqda təsirli sayılır.
Mütəxəssislərə görə, qırmızı bibər:
İltihabı azalda,
Metabolizmanı sürətləndirə,
Xərçəng riskini azalda,
Həzm sisteminə müsbət təsir göstərə,
Hormonları balanslaya və
Görmə qabiliyyətini dəstəkləyə bilər.
Çiy halda salatlarda və qəlyanaltı kimi istifadəsi daha faydalı sayılır, çünki bişdikdə bəzi vitaminlərini itirə bilər. Lakin həddindən artıq qəbul edildikdə, xüsusilə acı növləri mədə yanması, reflü, həzm pozğunluğu və allergik reaksiyalar kimi problemlərə yol aça bilər.
Qırmızı bibərin sağlamlıq üçün faydalı olduğu təsdiqlənsə də, gündəlik miqdarda və nizamlı şəkildə istehlak olunması tövsiyə edilir.
