Bakı, 11 sentyabr, AZƏRTAC
Bu mövsüm minifutbol üzrə Çempionlar Liqasının oyunlarına təyinat alan hakimlərin adları açıqlanıb.
AZƏRTAC xəbər verir ki, Avropa Minifutbol Federasiyasının açıqladığı siyahıda azərbaycanlı hakim Rza Məmmədov da var. Referi turnir çərçivəsində keçiriləcək bəzi matçları idarə edəcək. Onun hansı görüşlərdə iş başında olacağı açıqlanmayıb.
Qeyd edək ki, sentyabrın 17-21-də Bolqarıstanın paytaxtı Sofiya şəhərində təşkil olunacaq turnirdə Azərbaycanı 3 komanda – “Birbaşa Bakı”, “Zirə” və “Aznur” təmsil edəcək.
