"Zorakılıq baş veribsə, hüquq pozulub və ilk növbədə hüquq-mühafizə orqanlarına müraciət etmək lazımdır. Hadisə baş veribsə və ya iddia olunursa, valideynin istehlakçı hüquqları da pozulmuş hesab olunur. Bununla bağlı aidiyyəti qurumlara müraciət edilməlidir. Həmçinin, belə halların ictimailəşdirilməsi vacibdir – bağçanın adı açıqlanmalıdır ki, valideynlər məlumatlı olsunlar və uşaqların təhlükəsizliyi təmin edilsin".
Nazir qeyd edib ki, özəl bağçalara lisenziya İqtisadiyyat Nazirliyi tərəfindən verilir:
"Belə hallarda bağçanın lisenziyası geri alına bilər. Qərarlar ardıcıl olmalıdır; yəni birbaşa lisenziyanın ləğvi ilə başlamaq olmaz. Bəzən vətəndaşın hüququ pozulur, amma düzgün istiqamətə yönəldilmədiyi üçün ona kömək edə bilmirik".
