İqtisadiyyat naziri Mikayıl Cabbarov Qara Dəniz Ticarət və İnkişaf Bankının (QDTİB) prezidenti Serhat Köksalın rəhbərlik etdiyi nümayəndə heyəti ilə görüşüb.
BAKU.WS xəbər verir ki, Mikayıl Cabbarov bununla bağlı paylaşımı özünün "X" profilində edib:
"QDTİB ilə Azərbaycanın özəl bank sektoru arasında əməkdaşlığın dərinləşdirilməsinin sahibkarlığın dəstəklənməsi və biznesin inkişafının stimullaşdırılması baxımından əhəmiyyətini vurğuladıq. Bankın dövlət-özəl tərəfdaşlıq layihələri də daxil olmaqla Azərbaycanda həyata keçiriləcək digər təşəbbüslərdə iştirak potensialını və tərəfdaşlıq imkanlarını nəzərdən keçirdik".
Qara Dəniz Ticarət və İnkişaf Bankının (QDTİB) (@BSTDB) prezidenti Serhat Köksalın rəhbərlik etdiyi nümayəndə heyəti ilə görüş keçirdik. QDTİB ilə #Azərbaycan-ın özəl #bank sektoru arasında əməkdaşlığın dərinləşdirilməsinin sahibkarlığın dəstəklənməsi və #biznes-in inkişafının… pic.twitter.com/b2XCWs9hoy
— Mikayil Jabbarov (@MikayilJabbarov) September 10, 2025
