Rusiya prezidentinin mətbuat katibi Dmitri Peskov Polşa ərazisinə daxil olan dronlarla bağlı mövqeyini açıqlayıb.
Musavat.com xəbər verir ki, onun sözlərinə görə, Kremlin bu məsələ ilə bağlı şərh verməsi nəzərdə tutulmur:
“Bütün suallar Müdafiə Nazirliyinə ünvanlanmalıdır. Polşa rəhbərliyi tərəfindən bizə hər hansı təmas qurmaq üçün müraciət olunmayıb. Bu mövzuda mümkün müraciətlər barədə yayılan məlumatlar həqiqətə uyğun deyil”, – deyə Peskov bildirib.
Bununla da Kreml, NATO ilə münasibətlərin daha da gərginləşməsinə səbəb olan insidentlə bağlı birbaşa mövqe bildirməkdən yayınmış oldu.
Musavat.com
