"Liverpul"un futbolçusu İbrahima Konate klubla müqaviləsini yeniləmək istəmir.
QOL.az xəbər verir ki, bu barədə "Marca" məlumat yayıb.
26 yaşlı müdafiəçi 3-cü dəfə "Liverpul"la müqaviləni yeniləməkdən imtina edib.
Onun "mersisaydlılar"la hazırkı anlaşması 2026-cı ilin yayına qədərdir. Bildirilib ki, Konate müqaviləsi bitdikdən sonra azad agent kimi "Real"a keçmək istəyir.
Qeyd edək ki, Konate 2021-ci ilin yayından "Liverpul"un formasını geyinir.
