Rumıniya, Çexiya və Macarıstan birgə əməliyyatla Avropada fəaliyyət göstərən Belarus casus şəbəkəsini zərərsizləşdiriblər. Çex Təhlükəsizlik İnformasiya Xidməti (BIS) bildirib ki, şəbəkə agentləri işə götürmək və həssas kəşfiyyat məlumatları toplamaq üçün Belarus Dövlət Təhlükəsizlik Komitəsi (KQB) tərəfindən təşkil edilib.
Hafta.az-ın yazdığına görə, BIS, Avropadakı bir qrupun bir sıra Avropa ölkələrində Belarus casuslarını müəyyən etdiyini açıqlayıb. Hətta onların arasında Moldova Kəşfiyyat Xidməti rəhbərinin (SIS) keçmiş müavininin olduğu və onun DTK-ya məxfi məlumat verdiyi də deyilir.
Çexiya rəsmilərinin fikrincə, casus şəbəkəsi "bütün Avropada sərbəst hərəkət etmək qabiliyyəti sayəsində" genişlənə bilib.
Praqa əməliyyat çərçivəsində Belarus səfirliyinin KQB-də işlədiyi müəyyən edilən əməkdaşını persona non qrata elan edərək deportasiya edib və ona ölkədən getmək üçün 72 saat vaxt verib.
Çexiya Xarici İşlər Nazirliyi məsələ ilə bağlı açıqlama verib: “Biz diplomatik pərdə altında aparılan kəşfiyyat fəaliyyətinə heç vaxt dözməyəcəyik”. BIS rəhbəri Mixal Kudelka da deyib ki, “Avropada düşmənçilik fəaliyyətini effektiv şəkildə dayandırmaq üçün Rusiya və Belarusdan akkreditə olunmuş diplomatların Şengen zonası daxilində hərəkətini məhdudlaşdırılmalıdır”.
