Keçmiş Formula-1 sürücüsü Takaşi İnue Formula-2-dəki hazırkı pilotların səviyyəsi barədə fikirlərini bölüşüb.
90deqiqe.Az-ın məlumatına görə, yaponiyalı sürücüyə görə, çempionat bir çox iştirakçı ilə doludur ki, onların nəticələri onun “Krallıq yarışları” dövründəki çıxışları ilə müqayisə oluna bilər.
“Son illərdə Formula-2-də Takaşi Inue səviyyəsində pilotların sayı artıb. Bunun səbəbi büdcələrin artmasıdır. Komandalar indi həqiqi istedadlardan çox, maliyyə dəstəyi olan pilotlara üstünlük verirlər”
Qeyd edək ki,Takaşi İnue 1994–1995-ci illərdə Formula-1-də çıxış edib, 18 Qran-pridə iştirak etmiş, yalnız 5 dəfə finişə çatmış və xal qazana bilməmişdi. Sürücü bir neçə dəfə özünü çempionat tarixinin ən zəif pilotu adlandırıb.
