BAKI, 9 sentyabr. TELEQRAF
Türkiyənin "Fənərbağça" komandasının yeni baş məşqçisi bəlli olub.
Teleqraf klubun rəsmi saytına istinadən xəbər verir ki, İstanbul təmsilçisi Domeniko Tedesko ilə anlaşıb.
İtaliyalı mütəxəssis İstanbula təmsilçisi ilə 2027-ci ilin yayınadək müqavilə imzalayacaq.
Qeyd edək ki, Domeniko Tedeskonun son iş yeri Belçika millisi olub. O, daha əvvəl Almaniyanın “Şalke”, “Leypsiq”, Rusiyanın “Spartak” (Moskva) klublarını da çalışdırıb.
