Sorğulara görə, yetkinlərin 28%-i demək olar ki, hər an onlayndır, 40%-i isə gündə bir neçə dəfə internet istifadə edir.
Pew Araşdırma Mərkəzi 8 yanvar–26 aprel tarixləri arasında 24 ölkədəki 26 504 yetkinlik yaşına çatmış şəxsə internetdən nə qədər istifadə etdiklərini soruşub.
Sorğuda iştirak edən yetkinlərin 28%-i demək olar ki, hər zaman onlayn olduqlarını bildirib.
İştirakçıların 40%-i gündə bir neçə dəfə internet istifadə etdiyini, 9%-i isə heç istifadə etmədiyini qeyd edib.
Araşdırmaya daxil olan ölkələr arasında internet istifadəsi baxımından böyük fərqlər mövcuddur.
Daim onlayn olma nisbəti ən yüksək olan ölkə Yaponiya olub. Yaponiya yetkinlərinin 56%-i daimi onlayn olduqlarını qeyd edib.
Ən aşağı nisbət isə Nigeriyada olub. Burada yetkinlərin yalnız 13%-i daimi onlayn olduğunu bildirib.
Cənubi Koreyada yetkinlərin təxminən yarısı, Argentina, İsrail, İspaniya, Türkiyə və ABŞ-dəkilərin isə təxminən 25%-i daimi onlayn olduqlarını bildiriblər.
Digər tərəfdən, internet istifadəsinin ən aşağı olduğu Hindistanda yetkinlərin 36%-i heç internetə daxil olmur.
Cənubi Afrika və Nigeriyada yetkinlərin təxminən dörddə biri, Kenyada isə təxminən üçdə biri internetdən heç istifadə etmir.
