2025-ci ilin birinci yarımilində Azərbaycanda ipoteka kredit portfelini ən çox artıran bankların adları məlum olub.
Bankların 30 iyun 2025-ci il tarixinə olan maliyyə hesabatlarına əsasən, ipoteka kredit portfelinin artım dinamikasına görə ilk sırada “Bank Melli İran”ın Bakı filialı qərarlaşıb. Filialın portfeli 87 min manat və ya 136,9% artıb.
İkinci yerdə “AccessBank” QSC gəlir – 7 milyon 708 min manat artımla 73,2%.
“Ziraat Bank Azərbaycan” ASC 6 milyon 802 min manat artımla (25,9%) üçüncü, “Yapı Kredi Bank Azərbaycan” QSC isə 7 milyon 675 min manat artımla (16,0%) dördüncü olub.
Siyahının davamında “Azərbaycan Sənaye Bankı” ASC 2 milyon 387 min manat artımla (11,3%), “Rabitəbank” ASC 16 milyon 918 min manat artımla (10,9%) və “PAŞA Bank” ASC 22 milyon 282 min manat artımla (10,6%) qərarlaşıb.
