Milli Məclisin xüsusi iclası BAŞLADI – Hansı məsələ müzakirə olunur?

Azərbaycan Respublikası Milli Məclisin növbədənkənar sessiyasının xüsusi iclası keçirilir.

Bizim.Media xəbər verir ki, iclas Azərbaycan Respublikasının Dövlət Himni ilə başlayıb.

Xüsusi iclasda "Vaşinqton razılaşmaları: sülh diplomatiyasının və müdrik liderliyin təntənəsi" mövzusu müzakirə olunacaq.

Qeyd edək ki, Azərbaycan Respublikası Konstitusiyasının 88-ci maddəsinin 2-ci hissəsinə əsasən, Milli Məclisin deputatları parlamentin növbədənkənar sessiyasının çağırılması barədə spiker Sahibə Qafarovaya müraciət ediblər.

Milli Məclisin sədri Sahibə Qafarova müraciəti nəzərə alaraq, Milli Məclisin növbədənkənar sessiyasının çağırılması haqqında sərəncam imzalayıb.

Günay Şahmar, Bizim.Media