Azertag portalından əldə olunan məlumata əsasən, ain.az xəbər verir.
Bakı, 9 sentyabr, AZƏRTAC
Varşava metrosunda “ekspress kitabxana” açılıb, onun məqsədi sakinləri və sərnişinləri kitabın lehinə smartfonlardan imtina etməyə təşviq üçün cəlbedici mədəni məkan yaratmaqdır.
AZƏRTAC xarici mətbuata istinadla xəbər verir ki, bu həftə Polşa paytaxtının Tarquvek rayonundakı M2 xəttinin Kondratovicza stansiyasında istifadəyə verilən dəbli “Metroteka” böyüklər və uşaqlar üçün iki mütaliə zonası təklif edir.
150 kvadratmetrlik sahədə təmassız çiplərdən istifadə etməklə “ekspress” kassa vasitəsilə 16 minə yaxın kitab təqdim edilib. Oxucular kitabları yerindəcə və ya küçədə yerləşən 24 saatlıq kitab poçt qutusu vasitəsilə geri qaytara bilərlər.
Ziyarətçilər ümumi zonada oxuya və ya işləyə bilərlər, internet-səhifələrə baxış etmək üçün kirayə noutbuk götürə bilərlər və ya metroda gur saatlarda olduqdan sonra dincəlmək üçün sadəcə pulsuz qəhvə və ya isti şokoladla otura bilərlər.
İlk gündə 400-dən çox kitab, o cümlədən məktəb ədəbiyyatı, səyahət bələdçiləri və hər cür praktik təlimatlar verilib.
Polşa Milli Kitabxanası tərəfindən keçirilən illik sorğu nəticəsində məlum olub ki, respondentlərin yalnız 41 faizi son bir ildə ən azı bir kitab oxuyub, bu da, 1990-cı illərin sonu və 2000-ci illərin əvvəllərindəki 50 faiz göstəricisindən çox azalıb, çünki insanlar bunun əvəzinə əyləncə üçün televiziya, yayım xidmətləri və telefonlara müraciət ediblər.
Daha ətraflı məlumat və yeniliklər üçün ain.az saytını izləyin.
