Soyuqdəymə boğaz və burun boşluqlarını təsir edən ən geniş yayılmış yuxarı tənəffüs yolu infeksiyasıdır.
Pravda.az bildirir ki, xüsusilə qış aylarında sürətlə yayılan bu xəstəlik adətən zərərsiz olur və çox vaxt bir həftə ərzində öz-özünə keçir.
Ən çox rast gəlinən əlamətlər: burun axıntısı, boğaz ağrısı, öskürək, yüngül hərarət, halsızlıq və baş ağrısıdır. Uşaqlar və yaşlılarda sağalma müddəti bir qədər uzun çəkə bilər.
Xəstəliyin yayılma yolları öskürmə, asqırma və yaxın təmasla bağlıdır. Əllərin tez-tez yuyulması, təmiz havada qalmaq və istirahət sağalmanı sürətləndirir.
Soyuqdəymə adətən xüsusi müalicə tələb etmir. Bol maye qəbul etmək, C vitamini ilə zəngin qidalar yemək, istirahət etmək və bitki çayları içmək əlamətlərin yüngülləşməsinə kömək edir. Əgər şikayətlər bir həftədən uzun sürərsə və ya ağırlaşarsa, həkimə müraciət etmək məsləhətdir.
Əminə Bayramova
