UEFA Gənclər Liqasına hazırlaşan "Qarabağ"ın U-19 komandası növbəti yoxlama oyununda qüvvəsini sınayacaq.
Fanat.Az-ın məlumatına görə, Rəşad Sadiqovun baş məşqçisi olduğu komanda "Zirə"nin əvəzediciləri ilə üz-üzə gələcək.
Oyun bu gün Binə qəsəbə stadionunda baş tutacaq və saat 17:00-da start götürəcək.
Qeyd edək ki, Ağdam təmsilçisi turnirdə 6 matç keçirəcək. Təmsilçimizin ev oyunları "Azərsun Arena"da baş tutacaq.
"Qarabağ"ın UEFA Gənclər Liqasındakı oyunlarının təqvimi belədir:
I tur
16 sentyabr
"Benfika" (Portuqaliya) - "Qarabağ"
II tur
1 oktyabr
"Qarabağ" - "Kopenhagen" (Danimarka)
III tur
22 oktyabr
"Atletik" (İspaniya) - "Qarabağ"
IV tur
5 noyabr
"Qarabağ" - "Çelsi" (İngiltərə)
V tur
25 noyabr
"Napoli" (İtaliya) - "Qarabağ"
VI tur
10 dekabr
"Qarabağ" - "Ayaks" (Niderland)
Qeyd edək ki, 36 iştirakçının mübarizə aparacağı mərhələdə 1-22-ci yeri tutan komandalar 1/16 finala yüksələcək.
Mirağa
