UEFA Çempionlar Liqasının əsas mərhələsinə vəsiqə qazanan “Araz-Naxçıvan”ın rəqibləri müəyyənləşib.
Rumıniyanın “Yunayted Qalati” və Lüksemburqun “Differdanje 03” klubları rəqiblərini bu mərhələdə gözləyirdi. Niderland çempionu “Tigers Roermond” isə ilkin mərhələdən mübarizəyə başlayıb və B qrupunda keçirdiyi 3 oyundan maksimum xal toplayaraq 7-ci qrupda mübarizəni davam etdirmək hüququ qazanıb. Bu mərhələnin oyunları oktyabrın 28-dən noyabrın 2-dək Rumıniyada keçiriləcək.
Qeyd edək ki, "Araz-Naxçıvan" F qrupunda Şimali İrlandiyanın "Sparta Belfast" klubuna 9:1, Şotlandiya "PYF Saltires"inə 7:2, Avstriya "Ljuti Krajişniçi "nə 12:3 hesabı ilə qalib gəlib.
