"Apple" və "Samsung" "Xiaomi"yə qarşı birləşdi - Məhkəmə

"Apple" və "Samsung" şirkətləri Çinin "Xiaomi" şirkətinə qarşı iddia qaldırıb. Onlar öz markalarının məhsullarının Hindistanda "Xiaomi" cihazları ilə birbaşa müqayisə edildiyi reklam kampaniyalarının dayandırılmasını tələb ediblər.

Publika.az xəbər verir ki, bu barədə “The Economic Times” yazıb.

Bildirilib ki, "Xiaomi"nin reklam kampaniyası Hindistanda həm ənənəvi, həm də rəqəmsal mediada yayımlanır. “Economic Times” qəzeti ön səhifəsində “Xiaomi Pad 7” planşetinin reklamı "Fərqli düşün? Yenidən düşün" başlığı altında təqdim edilib. Məhsul "Apple"ın "iPad Pro"su ilə müqayisə edilib. Reklamın mətni "Apple"ın ikonik "Fərqli düşünün" şüarına istinaddır.

Sosial şəbəkələrdəki reklamlarda isə "iPhone 16 Pro Max"ın kamerası "Xiaomi 15 Ultra"nın kamerası ilə müqayisə edilib və Çin cihazına üstünlük verilib.

"Xiaomi" sosial mediada "Samsung"a qarşı da oxşar strategiyadan istifadə edərək Koreya texnologiya nəhənginin bir neçə modelini birbaşa tənqid edib.

"Apple" və "Samsung" nümayəndələri daha öncə kampaniyanı "alçaldıcı" adlandırıb və "Xiaomi" hazırkı marketinq strategiyasından əl çəkməyəcəyi təqdirdə məhkəməyə müraciət etmək niyyətlərini açıqlayıblar.