ABŞ Prezidenti Donald Tramp bildirib ki, məhkəmənin qərarına baxmayaraq daha əvvəl tətbiq etdiyi bütün gömrük rüsumları qüvvədə qalır.
APA xəbər verir ki, Tramp bu barədə “Truth Social” platformasında yazıb.
“Bütün rüsumlar hələ də qüvvədədir”, – deyə o qeyd edib.
Onun sözlərinə görə, Kolumbiya dairəsi apellyasiya məhkəməsi əvvəlcə səhvən qərar çıxararaq bəzi tariflərin ləğv edilməli olduğunu bildirib. Tramp bu addımın ABŞ üçün “fəlakət” olacağını vurğulayıb: “Bu, maliyyə baxımından bizi zəiflədər, halbuki biz güclü olmalıyıq”.
