Bölgələrdə son günlər ətin qiymətində 2 manata qədər bahalaşma var.
Redaktor.az xəbər verir ki,ət kəsimi və satışı ilə məşğul olan şəxslərin cebheinfo.az-a məlumatına görə, indi mal ətinin qiyməti 17, nadir hallarda 16 manata təklif olunur.
Buna əsas səbəb kimi, toy mövsümünün başlaması göstərilsə də, yerli ətlik heyvan cinslərinin azalması da səbəblər sırasındadır.
Payızda mal ətinin qiymətində daha bir manat artım gözlənilir. Qəssablar deyirlər ki, bahalaşma pərakındə ət satışına ciddi təsir göstərib.
