ain.az xəbər verir, Cebheinfo saytına əsaslanaraq.
ABŞ Dövlət katibinin müavininin keçmiş köməkçisi Ceyms O'Brayen öz çatışmazlıqlarını Ermənistanın üzərinə atmağa çalışmamalıdır.
Ermənistanın Baş naziri Nikol Paşinyan bu barədə keçirdiyi brifinqdə deyib.
Onun sözlərinə görə, O'Brayen ABŞ Prezidenti Donald Trampın administrasiyasının əvvəlki ABŞ hakimiyyətinin edə bilmədiyini necə həyata keçirdiyini izah etmək vəzifəsi ilə üzləşir.
“Biz ABŞ administrasiyasının regionumuzda sülh gündəliyinin dəstəklənməsi baxımından işindən razı deyildik. O'Brayenin geosiyasi incəlikləri qavramaq qabiliyyətinin olmaması onun Dövlət Departamentində qalmasına imkan vermədi. Buna görə də onun emosional qiymətləndirmələrini şərh etmək niyyətində deyiləm”, - deyə N.Paşinyan bildirib.
Qeyd edək ki, bundan əvvəl O'Brayen Vaşinqtonda imzalanmış ABŞ, Azərbaycan və Ermənistan liderləri arasında bəyannamənin İrəvana hər hansı əhəmiyyətli sülh dividendləri gətirməyəcəyini bildirib.
ABŞ-də erməni lobbisinin əsas təmsilçilərindən biri kimi tanınan Ceyms O'Brayen öz siyasi mövqeyi ilə sülh prosesinin baş tutmasına mane olub. Ona görə də O'Brayenin bu açıqlamanı erməni diasporunun təsiri altında verdiyini görmək olar.
Sülh sazişinə münasibətdə Paşinyan hakimiyyəti ilə ABŞ-dəki erməni diasporu arasında fikir ayrılığının olduğunu nəzərə alsaq, Paşinyanın Ceyms O'Brayeni savadsızlıqda ittiham etməsinin səbəbləri aydın olar. Eyni zamanda, O'Brayen Demokratlar Partiyasının üzvüdür və onun Tramp adminstrasiyasının siyasi uğurunu tənqid etməsi Respublikaçılar Partiyasına olan müxalif mövqeyi ilə bağlıdır.
Digər tərəfdən, Nikol Paşinyanın eks-prezident Co Baydenə və onun adminstrasiyasına qarşı çıxması Donald Trampın siyasi komandası ilə yaxınlaşmaq cəhdləri ilə izah oluna bilər. Məlum olduğu kimi, Nikol Paşinyan Donald Trampın nə birinci, nə də ikinci prezidentliyi dönəmində Ağ Evlə yaxın siyasi münasibətlər qura bilməyib.
Ermənistandan fərqli olaraq, Tramp adminstrasiyası Azərbaycanla strateji əməkdaşlığa üstünlük verib. Nikol Paşinyan hökuməti isə 2024-cü ildə ABŞ-də keçirilən prezident seçkilərində erməni diasporu ilə birlikdə Donald Trampın demokrat rəqibi, keçmiş vitse-prezident Kamala Harrisi dəstəkləyib.
Ona görə də Trampın prezident seçilməsi Paşinyanın Qərbdəki siyasi mövqelərini zəiflətmişdi. Prezident Trampın Azərbaycanla Ermənistan arasında sülh yaratmaq və Zəngəzur dəhlizini açmaq təşəbbüsü Nikol Paşinyana rəsmi Vaşinqtonla əlaqə qurmaqda əlverişli şərait yaratdı.
Ona görə də Paşinyanın Ceyms O'Brayenin ünvanına söylədiyi ittihamlarla Trampın “Yuxulu Co bu münaqişəni həll edə bilmədi” fikrinə dolayısı ilə dəstək verir. Bununla da 2026-cı ilin iyun ayında Ermənistan keçiriləcək parlament seçkilərinə “Sülh” şüarı ilə gedən Nikol Paşinyan Tramp adminstrasiyasının və Respublikaçıların dəstəyini almağa çalışır.
Paşinyanın Başden hökumətini tənqid etməsinin arxasında dayanan başqa bir səbəb Ermənistan rəhbərliyinin “Sorosçular”dan formalaşması ilə bağlıdır.
Prezident Tramp isə “Sorosçular”a qarşı mənfi münasibəti ilə seçilir. Bu baxımdan, Paşinyan demoakratlara qarşı çıxmaqla Trampın qarşısında özünü siyasi cəhətdən sığortalamağa çalışır.
Müşfiq Abdulla
“Cebheinfo.az”
Sonrakı hadisələr barədə daha çox məlumat almaq üçün ain.az saytını izləyin.
