Pakistan İslam Respublikasının xarici işlər naziri Məhəmməd İshaq Darla Ermənistanın XİN rəhbəri Ararat Mirzoyan arasında telefon danışığı olub.
Moderator.az xəbər verir ki, bu barədə Pakistan XİN rəhbəri İshaq Dar özünün "X" hesabında məlumat paylaşıb.
O qeyd edib ki, bu gün erməni həmkarı Ararat Mirzoyanla səmimi telefon danışığı aparıb, tərəflər Pakistanla və Ermənistan arasında diplomatik münasibətlərin qurulması imkanlarını nəzərdən keçirmək barədə razılıq əldə ediblər.
Xatırladaq ki, Azərbaycan torpaqlarının işğal səbəbi ilə Pakistanla Ermənistan arasında diplomatik münasibətlər qurulmamışdı.
