futbolpress-az saytından verilən məlumata görə, ain.az xəbər verir.
“Sumqayıt”ın futbolçusu Masaki Muratanın “Futbolpress.az“a müsahibəsi:
– 2 oyun, 2 qələbə. Nəticələri necə şərh edərdin?
– Startımız yaxşı alınıb. Ancaq hələ başlanğıcdır. Üzərimizdə işləməli, inkişaf etdirməli olduğumuz çox şey var.
– Hər iki matçda sonradan oyuna daxil olmusunuz. Hələ tam hazır deyilsiniz?
– Bu mövsüm əvvəlki klubumda üç oyuna çıxmışam. Fiziki cəhətdən hər şey qaydasındadır. Lakin komandaya yeni qoşulduğum üçün taktiki gedişləri, oyunçuları başa düşməliyəm.
– 2024-cü ilin yayında klubdan ayrılığınız birmənalı qarşılanmamışdı. Komandanın aparıcı üzvü idiniz…
– Müqaviləm bitmişdi və klubdan gözlədiyim təklifi almadım. Həm də daha yaxşı bir yerdən təklif gəlmişdi. Futbolçu kimi əsas istəyim yaxşı yerlərdə oynamaqdır.
– Qayıdışınız nə ilə bağlı oldu? Danimarkada – “Veyle”də işləriniz yolunda getmirdi?
– Asan qərar olmadı. “Veyle”də oyunlara çıxırdım, ancaq istədiyim qədər vaxtı ala bilmirdim. Həm də “Sumqayıt” uzun müddət idi məni izləyirdi və onlarla xoş xatirələrim var idi. Təklif gələndə qəbul etdim.
– Ümumilikdə, “Veyle” karyeranız sizə nə qazandırdı?
– Danimarka təcrübəsi inkişaf etməyimə kömək oldu. Ev oyunlarımızda 10 minə yaxın azarkeş olurdu. Eyni zamanda böyük komandalarla səfər görüşlərində 30 min tamaşaçı qarşısında oynayırdıq. Yaxşı atmosfer var idi. Məşqlərdə çox çalışırdım, həqiqətən, futbolçu kimi böyüdüyüm bir il oldu. Ancaq istədiyim qədər oynamamağım məyusedici xatirə kimi qaldı.
– Mövsümə uğurlu start vermisiniz. Növbəti rəqib isə “Şamaxı”dır. Seriya pozulmayacaq? Ümumiyyətlə, hədəflər nələrdir?
– Oyundan-oyuna düşünürük. Əsas hədəf hər oyun yaxşı nəticə qazanmaqdır. Məqsəd mövsümü yaxşı yerlərdə bitirməkdir.
– Əvvəlki “Sumqayıt”la indiki arasında hansı fərqlər var?
– İndi yeni kmoanda var. Fərqli məşqçi və fərqli oyunçular. Keyfiyyətli kollektivimiz var və komandada atmosfer yaxşıdır. Azarkeşlərimiz də bizi hər oyun dəstəkləyirlər. Ümid edirəm ki, onları yaxşı nəticələrimizlə sevindirə biləcəyik.
Şahin Cəfərov
Ən son xəbərləri və yenilikləri almaq üçün ain.az saytını izləyin.
