Ermənistan Baş nazirinin aparatının beynəlxalq-hüquqi məsələlər üzrə nümayəndəsinin ofis rəhbəri Liparit Drmeyan vəzifəsindən azad edilib.
Milli.Az erməni KİV-lərinə istinadən xəbər verir ki, məlumata görə, Baş nazir Nikol Paşinyan bu barədə qərarı avqustun 29-da imzalayıb.
Xatırladaq ki, avqustun 28-də Paşinyan hökumət üzvlərinə xəbərdarlıq edərək bildirib ki, xüsusən "Ermənistan Elektrik Şəbəkələri" məsələsində onun mövqeyinə zidd çıxış etmək yolverilməzdir:
"Hökumət mənəm. Heç kim mənim mövqeyimə qarşı çıxmamalıdır. Əgər kabinetdə mənimlə fərqli mövqedə olan şəxslər varsa, onlar dərhal istefa ərizəsi yazıb kabineti tərk etməlidirlər, əks halda mən özüm onları çıxaracağam. Biz arbitraj məhkəməsində qalib gəldik və mövqeyimizi müdafiə etdik", - Paşinyan vurğulayıb.
Hüseyn
Milli.Az
