Aİ Rusiyanın 200 mlrd avroluq aktivini Ukraynaya verməyə hazırlaşır

Avropa Komissiyası Ukraynanın müharibədən sonra bərpasına kömək etmək üçün Rusiyanın dondurulmuş 200 milyard avroya yaxın aktivlərini köçürmək üçün sxem hazırlayır.

Ölkə.az xəbər verir ki, bu barədə “Politico” yazıb.

Nəşr qeyd edib ki, Brüssel Avropa paytaxtlarının bu aktivləri Ukraynaya daha çox gəlir gətirə biləcək riskli fonda köçürmək istəyini yoxlayır. “Aİ bununla Rusiyanı danışıqlar masasına oturmağa məcbur etmək üçün ona təzyiqləri artırmaq istəyir. Moskvanın Ukraynaya müharibədən sonrakı təzminat ödəməkdən imtina etdiyi halda bu plan da nəzərdən keçirilir”, - nəşr vurğulayıb.

Məlumatda bildirilir ki, bu variant Rusiyanın aktivlərinin dərhal müsadirə edilməsini nəzərdə tutmur.
Bu məsələ avqustun 30-da Aİ xarici işlər nazirlərinin Kopenhagendə qeyri-rəsmi görüşündə müzakirə ediləcək.

Nəşr əlavə edib ki, Avropa ölkələrində bu məsələdə fikir ayrılığı var. Məsələn, Baltikyanı ölkələr və Rusiya ilə həmsərhəd bir sıra digər dövlətlər Aİ-nin Rusiyanın aktivlərini tamamilə müsadirə etməsində israr edirlər.
Lakin bu variant hələ də Qərbi Avropa ölkələrinin, o cümlədən Almaniya, İtaliya və Belçikanın müqaviməti ilə üzləşir. Nəşr qeyd edib ki, Belçika Euroclear-ın (Rusiyanın aktivlərinin böyük hissəsini saxlayan maliyyə institutu) yerləşdiyi ölkə kimi xüsusi hüquqi və maliyyə riskləri ilə üz-üzədir.

Məlumatda o da bildirilir ki, həll yolu kimi, Avropa Komissiyasının hüquqşünasları Rusiyanın aktivlərini bir sıra Aİ ölkələri tərəfindən dəstəklənən “xüsusi təyinatlı vasitə” ilə də köçürə bilərlər.

Mürtəza

Aİ Rusiyanın 200 mlrd avroluq aktivini Ukraynaya verməyə hazırlaşır - Politico

Sign in to your account

Sign up

Şifrəni bərpa et