İsrailin Böyük Britaniyanın gələn ay keçiriləcək “DSEİ İK 2025” silah sərgisində iştirakına qadağa qoyulmasına İsrail Müdafiə Nazirliyi rekasiya verib.
APA “The Times of Israel” ə istinadən xəbər verir ki, Nazirlik Britaniyanın bu qərarını zərərli və “rüsvayçı hərəkət” adlandırıb.
Nazirlik bildirib ki, sərgidə İsrailə məxsus pavilyon yaradılmayacaq, lakin iştirak etmək istəyən İsrail şirkətləri müdafiə nazirliyi tərəfindən tam dəstək alacaq.
İsrail Britaniyanın sözügedən qərarının “ekstremistlərə xidmət etdiyini və terrora legitimlik qazandırdığını” bəyan edib.
