Bizimyol saytından alınan məlumatlara görə, ain.az xəbər verir.
Avropa İttifaqının (Aİ) diplomatik xidmətinin rəhbəri Kaya Kallas, Aİ ölkələrini ABŞ-ın Rusiya ilə ticarət edən tərəfdaşlarına tətbiq etdiyi kimi, Rusiya nefti və enerji ixracına qarşı ikinci dərəcəli sanksiyalar tətbiq etməyə çağırıb.
Bizimyol.info xəbər verir ki, bu açıqlamanı Kallas, Aİ-nin Kopenhagen şəhərində keçirilən qeyri-rəsmi xarici işlər və müdafiə nazirlərinin görüşünə gəldikdən sonra verib.
“Biz yeni bir sanksiya paketinin üzərində işləyirik, masada bir neçə imkan var. Enerji sektoruna qarşı sanksiyalar hazırlayırıq, o cümlədən ABŞ-ın tətbiq etdiyi ikinci dərəcəli sanksiyalar kimi tədbirlər,” – deyə Kallas bildirib. O, həmçinin Rusiya maliyyə sektoru üçün “yeni sanksiyalar” təklif etməyi də vəd edib.
Bu, Aİ rəsmisinin ilk dəfə açıq şəkildə Avropanın ikinci dərəcəli sanksiyalar tətbiq etməsini təklif etməsidir. Rəsmi olaraq Brüsselin bu cür tədbirlərə qarşı olduğu bilinsə də, reallıqda Aİ artıq uzun müddətdir ki, Rusiya ilə yaxından əməkdaşlıq edən ölkələr və təşkilatlar üzərində sanksiyalar tətbiq edir.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
