ain.az bildirir, Bizimyol portalına istinadən.
Ermənistanın ilk prezidenti Levon Ter-Petrosyanın rəhbərlik etdiyi "Erməni Milli Konqresi" partiyasının sədr müavini Levon Zurabyan baş nazir Nikol Paşinyana qarşı cinayət işi açılması üçün ölkənin baş prokuroruna müraciət edib.
Bizimyol.info xəbər verir ki, bu barədə mətbuata Zurabyan özü məlumat verib.
Avqustun 28-də baş nazir Nikol Paşinyan mətbuat konfransında belə bir açıqlama verib: “Hökumətdə heç kimin mənim fikrimə zidd fikri ola bilməz. Əgər kimsə fərqli düşünürsə, istefa ərizəsini yazsın, əks halda mən onu vəzifədən azad edəcəyəm”, - deyə bildirib.
Levon Zurabyan bu bəyanatla bağlı Ermənistan Konstitusiyasının 42-ci maddəsinə istinad edib. Həmin maddə hər kəsə öz fikrini ifadə etmək, azad şəkildə informasiya axtarmaq, almaq və yaymaq hüququ verir. Onun fikrincə, baş nazirin dedikləri Cinayət Məcəlləsinin 441-ci maddəsində nəzərdə tutulan vəzifə səlahiyyətlərindən sui-istifadə əlamətlərini daşıyır.
Zurabyan: “Bu ehtimal olunan cinayət faktı üzrə tələb edirəm ki, Ermənistanın baş prokuroru bu bəyanatı rəsmi şəkildə cinayət məlumatı kimi qəbul etsin və cinayət işi başlatsın”, - deyə qeyd edib.
Bildirilir ki, Paşinyan bu açıqlamanı Ermənistan hökuməti yanında beynəlxalq hüquqi məsələlər üzrə nümayəndənin ofisinin “Electric Networks of Armenia (Elseti)” işi ilə bağlı arbitraj qərarlarının icra olunmalı olduğu barədə bəyanatını şərh edərkən səsləndirmişdi.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
