BAKI, 29 avqust. TELEQRAF
Qazaxıstan Prezidenti Kasım-Jomart Tokayev beynəlxalq ictimaiyyəti sülh və təhlükəsizliyi möhkəmləndirməyə, həmçinin nüvə silahlarının azaldılmasına və nüvə sınaqlarından imtinaya nail olmağa çağırıb.
Teleqraf xəbər verir ki, o, çıxışında SSRİ dövründə Qazaxıstanda keçirilmiş fəlakətli nüvə sınaqlarına da diqqət çəkib.
“Xalqımız nüvə silahı sınağının ən ağır nəticələrinin qurbanına çevrilib. Bu faciə təkrarlanmamalıdır. Gələcək nəsillər naminə biz sülhü möhkəmləndirməli, beynəlxalq əməkdaşlığı inkişaf etdirməli, nüvə silahlarının azaldılmasına nail olmaq üçün səy göstərməli və nüvə sınaqlarından imtina etməliyik. Sülh və təhlükəsizlik bütün bəşəriyyəti birləşdirən ən yüksək dəyərlərdir”, - Tokayev qeyd edib.
