Bizimyol saytından verilən məlumata əsasən, ain.az məlumatı açıqlayır.
ABŞ Prezidenti Donald Tramp hazırda "Rusiya agenti" kimi fəaliyyət göstərir və Ukraynaya qarşı müharibədə Moskvaya üstünlük verir.
Bizimyol.info xəbər verir ki, bu barədə Portuqaliya Prezidenti Marselo Rebelyu de Souza "Gənclik Universiteti" tədbirində çıxışı zamanı bildirib.
Souza beynəlxalq vəziyyət və müasir çağırışlar haqqında danışıb və Trampı daha çox emosional yanaşma və birbaşa əlaqələrə yönəlmiş yeni siyasi liderlik üslubunun nümunəsi kimi qeyd edib. Bununla yanaşı, Portuqaliya lideri qlobal güc balansında təhlükəli dəyişikliklərə də toxunub.
"Bir məqam və çətin bir məsələ var: Ən güclü supergüclərdən birinin lideri, obyektiv olaraq, sovet və ya rus agentidir. O, agent kimi fəaliyyət göstərir," - deyə Souza bildirib.
O, bunun "dostluğa, iqtisadi, ideoloji və ya doktrinal əməkdaşlığa əsaslanan bir ittifaq" olmadığını vurğulayıb. "Obyektiv olaraq, yeni ABŞ rəhbərliyi strateji olaraq Rusiya Federasiyasına kömək edir," - deyə Souza əlavə edib.
Portuqaliya lideri həmçinin yeni ABŞ rəhbərliyinin "bir tərəfin müttəfiqindən münaqişənin hakiminə çevrildiyini" və yalnız Rusiya ilə danışıqlar aparmağa, Ukrayna və Avropanı kənarda qoymağa çalışdığını qeyd edib.
Bundan əvvəl, ABŞ Prezidenti Donald Tramp Ukraynada müharibənin daha tez sona çatmasını istəyir və onun üçün hansı yollarla sona çatacağı önəmli deyil. "The Atlantic"in ABŞ administrasiyasındakı yüksək rütbəli bir məmura istinadən verdiyi xəbərə görə, Tramp son günlərdə öz diplomatik təşəbbüslərinin Ukrayna müharibəsinin həllinə nail olmasına mane olunduğundan şikayət edib. Trampın hiddətini artıran digər amil isə Respublikaçı Partiyasının bəzi Rusiya əleyhdarları, məsələn, senator Lindsi Qreym olub, o, yenidən prezidentdən Rusiya ilə bağlı sanksiyalar tətbiq etməsini tələb edib.
ABŞ Prezidentinin xüsusi nümayəndəsi Kit Kellogun fikrincə, Rusiyanın Ukraynaya etdiyi zərbələr Trampın yaratmaq istədiyi dünyaya təhlükə törədir.
Almaniyanın kansleri Fridrix Mertz isə son Rusiyanın Ukraynaya hücumunu şərh edərək bildirib ki, Putin və Zelenski arasında görüş çox güman ki, olmayacaq, baxmayaraq ki, Tramp və Putin arasında razılaşma var.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
