EN

Çində keçiriləcək Qələbə paradına 26 xarici lider qatılacaq

Pekində təşkil olunacaq tədbirdə dünya liderlərinin iştirakı gözlənilir...

Poliqon xəbər verir ki, Çində Yapon işğalçılarına qarşı Çin xalqının Müqavimət müharibəsində və İkinci Dünya müharibəsində qələbənin 80 illiyi münasibətilə təşkil ediləcək tədbirlərdə 26 xarici dövlət başçısı və hökumət rəhbəri iştirak edəcək. Bu barədə CCTV məlumat yayıb.

Məlumata görə, qonaqlar arasında Rusiya prezidenti Vladimir Putin, KXDR lideri Kim Çen In, İran prezidenti Məsud Pezeşkiyan, həmçinin Azərbaycan prezidenti İlham ƏliyevErmənistanın baş naziri Nikol Paşinyan da olacaq. Bundan əlavə, tədbirdə Belarus prezidenti Aleksandr Lukaşenko, Qazaxıstan prezidenti Kasım-Jomart Tokayev, Özbəkistan prezidenti Şavkat Mirziyoyev, Tacikistan prezidenti Emoməli Rəhmon, Qırğızıstan prezidenti Sadır Japarov, Türkmənistan prezidenti Serdar Berdiməhəmmədov, Serbiya prezidenti Aleksandar Vuçiç, Slovakiya baş naziri Robert Fico və digər liderlərin iştirakı gözlənilir.

Qeyd edək ki, 3 sentyabrda Pekində, Tiananmen meydanında, möhtəşəm hərbi parad keçiriləcək. Lakin tədbir ərəfəsində Yaponiya hökuməti diplomatik kanallarla Asiya və Avropa ölkələrini Pekindəki anım tədbirlərində və hərbi paradda iştirak etməməyə çağırıb. Tokio bu addımı, tədbirlərin “anti-yapon məzmun daşıması” ilə əsaslandırıb və Çin tarixinin rəsmi şərhinin beynəlxalq aləmdə yayılmasının qarşısını almağa çalışır.

Poliqon.info

Chosen
40
poliqon.info

1Sources