Təxminən yeddi dəqiqə sonra raketin yuxarı pilləsi ayrılıb və uçuşunu davam etdirərək, demək olar ki, 200 kilometr maksimum hündürlüyə çatıb.
“Super Heavy” sürətləndiricisi ayrılaraq Yerə qayıdıb. O, eniş zamanı əyləcdən uğurla istifadə edərək, Meksika körfəzinin sularına düşüb.
“Starship” raketinin uçuşu təxminən bir saat davam edib. Daha sonra reaketin geri qayıdan yuxarı hissəsiHind okeanına düşərək partlayıb. “SpaceX” şirkəti testin bütün əsas məqsədlərinin tam şəkildə həyata keçirildiyini bildirib.
Qeyd edək ki, bu, “Starship” raketinin 10-cu sınaq buraxılışı idi. Əvvəlki üç buraxılış raketi uğurla endirə bilməyib və iyun ayında uçuşa hazırlanarkən raket buraxılış meydançasında partlayıb.
“İndi, “SpaceX” nəhayət, nəqliyyat vasitəsinin bu versiyasını Yer atmosferindən bütöv şəkildə, onunla əlaqəni kəsmədən geri qaytarmağın yolunu tapıb”,- “CNN” telekanalı vurğulayır.
Starship’s tenth flight test pushed the limits and provided maximum excitement along the way → https://t.co/UIwbeGoo2B pic.twitter.com/W6fH3GCwuP
— SpaceX (@SpaceX) August 27, 2025
Sahil İsgəndərov
AzVision.az
