Azərbaycan Prezidenti İlham Əliyev Rusiyada azərbaycanlılara qarşı baş vermiş zorakılıq hallarını tənqid edərək, iki ölkə arasındakı münasibətlərdə yaranan gərginliyə görə məsuliyyətin Bakıya aid olmadığını bildirib.
“Biz yalnız konstruktiv və hüquqi şəkildə cavab veririk, lakin heç vaxt bizə qarşı təcavüz əlamətlərinə və hörmətsizliyə dözməyəcəyik,” – deyə Əliyev Səudiyyə Ərəbistanının “Əl-Ərəbiyyə” telekanalına müsahibəsində bildirib.
O qeyd edib ki, Rusiyada azərbaycanlılara qarşı “əsassız hücumlar” nəticəsində iki nəfər həyatını itirib və bəzi şəxslər işgəncələrə məruz qalıb. Rəsmi açıqlamalarda onların "ürək tutmasından" öldüyü bildirilsə də, Azərbaycan tərəfi bu izahatı qənaətbəxş hesab etmir.
Prezidentin sözlərinə görə, zorakılığa məruz qalanlar arasında həm Azərbaycan vətəndaşları, həm də Azərbaycan mənşəli Rusiya vətəndaşları olub. “Bu, bizim xalqımıza qarşı misli görünməmiş hərəkət idi,” – o bildirib.
Əliyev əlavə edib ki, Azərbaycan münasibətləri daha da gərginləşdirmək niyyətində deyil, lakin baş verən hadisələrə biganə də yanaşmayacaq.
Gülnar
