Britaniyanln "İslahat" partiyasının lideri insan haqları konvensiyalarından çıxmağı da planlaşdırır...
Poliqon xəbər verir ki, Britaniyada keçirilən bütün sorğularda lider mövqedə olan ifrat sağçı siyasətçi Naycel Farac hakimiyyətə gələrsə, yüz minlərlə miqrantı, o cümlədən qadın və uşaqları saxlayaraq deportasiya edəcəyini açıqlayıb.
Oksfordda partiyası Reform UK-in proqramını təqdim edən Farac bildirib ki, kiçik qayıqlarla ölkəyə daxil olan “tamamilə hər kəsi” həbs edəcək və deportasiya olunacağını təmin edəcək. Onun sözlərinə görə, belə siyasət sərhəd keçidlərini “bir neçə gün ərzində” dayandıracaq və “onlarla, hətta yüzlərlə milyard funt sterlinq qənaət” gətirəcək.
Faracın proqramında 600 minə qədər sığınacaq axtaran şəxsin deportasiyası nəzərdə tutulur. Miqrantların əvvəlcə Kral Hava Qüvvələrinin bazalarına aparılacağı, daha sonra isə İran, Əfqanıstan, Eritreya və Sudan kimi ölkələrə göndəriləcəyi planlaşdırılır.
İfrat sağçıların rəhbərliyi həmçinin İnsan Haqları Haqqında Qanunun ləğvini, Avropa İnsan Haqları Konvensiyasından (AİHK) çıxmağı və 1951-ci il Qaçqınlar Konvensiyası ilə BMT-nin İşgəncələrə qarşı Konvensiyasının tətbiqini dayandırmağı nəzərdə tutur.
Böyük Britaniya Liberal Demokrat Partiyasının lider müavini Deyzi Kuper isə The Guardian-a açıqlamasında proqramı kəskin tənqid edib.
“Şübhəsiz, Naycel Faraj öz kumiri Vladimir Putinin yolunu izləmək və insan haqları konvensiyasını ləğv etmək istəyir. Uinston Çörçill qəbrində çevrilərdi”, deyə Kuper vurğulayıb.
Poliqon.info
