Saglamolun saytından verilən məlumata görə, ain.az xəbər verir.
YENİ ARAŞDIRMA Britaniya Kolumbiyası Universitetindən olan tədqiqatçılar insanların üz ifadəsi və ya danışıq tərzinə əsasən yalan deyib-deməməyini müəyyən etməyin mümkün olmadığını açıqlayıb. Araşdırmanın nəticələri “Law and Human Behavior” jurnalında dərc olunub. Professor Liann Brinke tərəfindən aparılan araşdırma göstərib ki, hazırlıqsız insanların yalanı tanıma dəqiqliyi sadəcə 54% təşkil edir. Bu isə demək olar ki, təsadüfi ehtimalla eynidir. Halbuki bir çox hallarda, xüsusilə məhkəmə və istintaq proseslərində bu bacarıq həyati əhəmiyyət daşıyır.Brinke və komandası 4 əsas əlamət müəyyən edib: qaldırılmış qaş, gülümsəmə, qeyri-müəyyən sözlərdən istifadə (“bəlkə”, “məncə”) və cümlə sayının azalması. Bu əlamətlər yalan danışan insanların çıxışlarında müşahidə olunub. Lakin yeni tədqiqat göstərib ki, bu əlamətləri digər hallarda tətbiq etmək mümkün deyil. Professorun sözlərinə görə, insanlar tez-tez müəyyən sözlərə və mimikaya əsaslanaraq yalanı aşkar edə biləcəklərini düşünür. Bunun üçün isə daha fərdi yanaşma və əlavə araşdırmalar lazımdır. Onun fikrincə, “yalançının gülümsəməsi” və ya “danışan jestlər” kimi təsvir edilən əlamətlər reallıqdan çox mifdir.
Saglamolun.Az
Daha ətraflı məlumat və yeniliklər üçün ain.az saytını izləyin.
