Azxeber.com saytından verilən məlumata əsasən, ain.az məlumatı açıqlayır.
Çinli tədqiqatçılar dünyada ilk dəfə geni dəyişdirilmiş donuzun ağciyərinin beyin ölümü olan insana köçürüldüyünü açıqlayıblar.
AZXEBER.COM xarici mətbuata istinadən xəbər verir ki, tədqiqat qrupu nəql edilən ağciyərin 216 saat ərzində canlılığını və funksiyasını qoruduğunu, "hiperakut rədd" kimi tanınan sürətli immun reaksiyasının inkişaf etmədiyini və heç bir infeksiyanın aşkar edilmədiyini müəyyən edib.
Lakin transplantasiyadan 24 saat sonra ağciyərlərdə maye yığılması və zədələnmə əlamətləri müşahidə olunub.
Dərmanlara baxmayaraq, ağciyərlər tədricən antikorların hücumuna məruz qalıb və ciddi şəkildə zədələnib.
Bu sınaq dünyada ilk donuzdan insana ağciyər transplantasiyası kimi qeydə alınıb.
Ümumdünya Səhiyyə Təşkilatının məlumatına görə, qlobal orqan tələbatının yalnız 10 faizi ödənilə bilər. "Ksenotransplantasiya” kimi tanınan üsul orqan donorluğu problemini həll etmək məqsədi daşıyır.
Donuzların ürək, böyrək və qaraciyər kimi orqanları son illərdə insanlara köçürülsə də, canlı xəstələrdə aparılan bu cür transplantasiyaların əksəriyyəti həftələr və ya aylar ərzində ölümlə nəticələnir.
Mikayıl
Sonrakı hadisələr barədə daha çox məlumat almaq üçün ain.az saytını izləyin.
