Türkiyə Rusiya və Ukrayna arasında danışıqların yeni mərhələsinin İstanbulda baş tutub - tutmayacağını hələ bilmir.
Publika.az xəbər verir ki, bu barədə "RİA Novosti" Ankaradakı diplomatik mənbəyə istinadla məlumat yayıb.
“Bizim prosesin davam edib-etməyəcəyi ilə bağlı hələlik konkret məlumatımız yoxdur”, - agentliyin mənbəsi bildirib. O vurğulayıb ki, görüşün tarixini və yerini Moskva və Kiyev özləri seçirlər.
Bundan əvvəl Ukrayna xarici işlər nazirinin birinci müavini Serhiy Kislytsya danışıqların aparılması üçün şərtləri sadalamışdı. Onun sözlərinə görə, Volodimir Zelenski ərazi məsələlərini yalnız hazırkı cəbhə xətti formatında və müstəsna olaraq Rusiya lideri Vladimir Putinlə görüşdə müzakirə etməyə hazırdır.
