ABŞ Prezidenti Donald Tramp paytaxt Vaşinqtondakı federal təhlükəsizlik tədbirlərini nümunə göstərərək, Çikaqo və Nyu-Yorkda da oxşar cinayətlə mübarizəyə hazırlaşdığını bildirib.
The New York Times qəzetinin xəbərinə görə, Tramp Oval Ofisdə keçirilən tədbirdə Çikaqo və Nyu-Yorkda cinayətlə mübarizə çərçivəsində hansı modeli tətbiq edəcəyinə dair danışıb.
Tramp Vaşinqtonda Milli Qvardiyanın yerləşdirilməsi və polis qüvvələrinin federal idarəetməyə tabe etdirilməsinin şəhərin təmizlənməsinə töhfə verdiyini iddia edərək, Çikaqo və Nyu-York üçün də oxşar cinayətlə mübarizə modelini tətbiq edəcəyinə işarə edib.
Çikaqonu “qarışıq” adlandıran Tramp “Məncə növbəti hədəfimiz Çikaqo olacaq, daha sonra Nyu-Yorka kömək edəcəyik” deyib.
